ⴱⴰⴱ ⵏ ⵡⴰⴷⴷⵓⵔ : ⵜⴰⵖⵜⵙⵜ ⵏ ⵉⵙⵔⴰⵉⵍ ⵙ ⵓⵙⵙⵖⵣⵏ ⵏ ⵜⵏⵙⵙⵉⵅⴼⵜ ⵏ ⵜⴳⵍⴷⵉⵜ ⵜⴰⵎⵖⵔⵉⴱⵉⵢⵜ ⴳ ⵜⵏⵣⵔⵓⴼⵜ ⵏⵏⵙ ⴷ ⵓⵙⵡⵉⵏⴳⵎ ⵓⵎⵏⵉⴳ ⴳ ⵓⵏⵏⵓⵕⵥⵎ ⵏ ⵜⵇⵓⵏⵚⵓⵍⵉⵢⵜ ⴳ ⵜⵎⴷⵉⵏⵜ ⵏ ⴷⴷⴰⵅⵍⴰ » ⴰⵎⴷⴷⴰⴷ ⴷ ⵡⴰⵏⵏⴰⵢ
ⵢⵓⵣⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴰⴷ ⵡⵉⵙⵙ ⵚⴹⵉⵚ ⴰⴷ ⵜ ⵉⵏⵚⵕ ⵕⴱⴱⵉ ⵜⴰⴱⵔⴰⴷⵜ ⵉ ⵎⴰⵙⵙ ⴱⵉⵏⵢⴰⵎⵉⵏ ⵏⴰⵜⴰⵏⵢⴰⵀⵓ , ⴰⵎⴰⵡⵙⴰⵙ ⴰⵎⵣⵡⴰⵔⵓ ⵏ ⵓⵡⴰⵏⴽ ⵏ ⵉⵙⵔⴰⵉⵍ ⵏⵏⴰ ⴳ ⵉⵙⴷⴷⵉⴷ ⵓⴳⵍⵍⵉⴷ ⵎⴰⵙ ⴷ ⵜⴰⵖⵜⵙⵜ ⵏ ⵓⵡⴰⵏⴽ ⵏ ⵉⵙⵔⴰⵉⵍ ⵙ ⵓⵙⵙⵖⵣⵏ ⵏ ⵜⵏⵙⵙⵉⵅⴼⵜ ⵏ ⵜⴳⵍⴷⵉⵜ ⵏ ⵍⵎⵖⵔⵉⴱ ⴳ ⵜⵏⵣⵔⵓⴼⵜ ⵏⵏⵙ ⴷ ⴷ ⵓⵙⵡⵉⵏⴳⵎ ⵓⵎⵏⵉⴳ ⴳ ⵓⵏⵏⵢⵕⵥⵎ ⵏ ⵜⵇⵓⵏⵙⵓⵍⵉⵢⵜ ⴳ ⵜⵎⴷⵉⵏⵜ ⵏ ⴷⴷⴰⵅⵍⴰ ⵉⴳⴰ “ ⴰⵎⴷⴷⴰⴷ ⴷ ⵡⴰⵏⵏⴰⵢ ».
ⵉⵏⵏⴰ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴰⴷ ⵡⵉⵙⵙ ⵚⴹⵉⵙ ⴳ ⵜⴱⵔⴰⴷⵜ ⴰⴷ, “ ⵎⴰⵙⵙ ⴰⵎⴰⵡⵙⴰⵙ ⴰⵎⵣⵡⴰⵔⵓ, ⵉⴳⴰ ⵉⵢⵉ ⴰⴷⴷⵓⵔ ⴰⴷ ⴽⵏ ⵙⵏⵉⵎⵎⵔⵖ ⵅⴼ ⵜⴱⵔⴰⵜ ⵏⵏⵓⵏ ⵏⵏⴰ ⵉⵢⵉ ⴷ ⵢⵉⵡⴷⵏ ⵙ ⵜⵖⵜⵙⵜ ⵏ ⵓⵡⴰⵏⴽ ⵏ ⵉⵙⵔⴰⵉⵍ ⵙ ⵓⵙⵙⵖⵣⵏ ⵏ ⵜⵏⵙⵙⵉⵅⴼⵜ ⵏ ⵜⴳⵍⴷⵉⵜ ⵏ ⵍⵎⵖⵔⵉⴱ ⴳ ⵜⵏⵣⵔⵓⴼⵜ ⵏⵏⵙ, ⴷ ⵓⵙⵡⵉⵏⴳⵎ ⵓⵎⵏⵉⴳ ⴳ ⵓⵏⵏⵓⵕⵥⵎ ⵏ ⵜⵇⵓⵏⵚⵓⵍⵉⵢⵜ ⵏ ⵜⵎⴰⵣⵉⵔⵜ ⵏⵏⵓⵏ ⴳ ⵜⵎⴷⵉⵏⵜ ⵏ ⴷⴷⴰⵅⵍⴰ; ⵉⵙⴷⴷⵉⴷ ⴱⴰⴱ ⵏ ⵡⴰⴷⴷⵓⵔ ⵎⴰⵙ ⴷⴷ ⵜⴰⵖⵜⵙⵜ ⴰⴷ ⵉⵙⵏⴱⴳ ⴱⴰⵀⵔⴰ ⵙⵉ ⵓⴳⴷⵓⴷ ⴰⵎⵎⵖⵔⵉⴱⵉ .
ⵉⵙⴷⴷⵉⴷ ⴱⴰⴱ ⵏ ⵡⴰⴷⴷⵓⵔ ⵎⴰⵙ ⴷ ⵜⴰⵎⵏⵜⵉⵍⵜ ⵏ ⵜⵏⵣⵔⵓⴼⵜ ⵜⴰⵎⵖⵔⵉⴱⵉⵢⵜ ⵜⴰⴳ “ ⵜⴰⵎⵏⵜⵉⵍⵜ ⵜⴰⵏⴰⵎⵓⵔⵜ ⵏ ⵜⴳⵍⴷⵉⵜ” ⴷ ⵜⴳⴰ ⵜⴰⵎⵣⵡⵓⵔⵜ ⵍⴳⴰⵍ ⵏ ⵜⵙⵔⵜⵉⵜ ⵏ ⴱⵕⵕⴰ, ⵉⵏⵏⴰ ⴰⵡⴷ ⵎⴰⵙ ⴷ ⵜⴰⵖⵜⵙⵜ ⵏⵏⵓⵏ ⵜⴳⴰ ⵜⴰⵎⴷⴷⴰⴷⵜ.
ⵎⴽ ⵍⵍⵉ ⵙ ⵉⵏⵏⴰ ⴱⴰⴱ ⵏ ⵡⴰⴷⴷⵓⵔ ⴳ ⵜⴱⵔⴰⵜ ⵏⵏⵙ ⵎⴰⵙ ⴷ ⵜⴰⵖⵜⵙⵜ ⴰⴷ ⵜⴳⴰ ⵜⴰⵎⴷⴷⴰⴷⵜ ⵎⵉⵏⵣⵉ ⵜⴳⴰ ⴰⵏⵏⴰⵍ ⵏ ⵉⴹⵕⵉⵙⵏ ⵉⵙⵍⴳⴰⵏ ⴷ ⵉⵣⵔⴼⴰⵏ ⵉⵎⵣⵔⵓⵢⵏ ⵏ ⵍⵎⵖⵔⵉⴱ ⴳ ⵜⵎⵏⴰⴹⵉⵏ ⵏⵏⵙ ⵏ ⵜⵏⵣⵔⵓⴼⵜ, ⵎⴽ ⵍⵍⵉ ⵙ ⵉⵏⵏⴰ ⵎⴰⵙ ⴷ ⵜⴰⵏⵙⵙⵉⵅⴼⵜ ⵜⴰⵎⴷⴷⴰⴷⵜ ⵏ ⵜⴳⵍⴷⵉⵜ ⵏ ⵍⵎⵖⵔⵉⴱ ⴷ ⵉⵎⵣⴷⴰⵢⵏ ⵉⵙⵍⴳⴰⵏ ⵏⵏⴰ ⵉⴽⴽⴰⵏ ⵜⴰⵙⵓⵜⵉⵏ ⵙⴳ ⵓⵣⵎⵣ ⵏ ⵉⴳⵍⴷⴰⵏ ⵍⵍⵉ ⵉⵣⵔⵉⵏ ⴳ ⵍⵎⵖⵔⵉⴱ ⴷ ⵉⵎⵣⴷⴰⵖⵏ ⵏ ⵍⵎⵖⵔⵉⴱ ⴳ ⵡⴰⴽⴰⵍ ⴰⴷ ⵏⵏⴰ ⴱⴰⵀⵔⴰ ⵜⵜⵉⵔⵉⵏ ⴳⴰⵏ ⵉⴼⵕⴹⵉⵙⵏ ⵏⵏⴰ ⴳ ⵓⵔ ⵜⵍⵍⵉ ⵜⵓⵜⵔⴷⴰ.
ⵎⴽ ⵍⵍⵉ ⵙ ⵉⵙⴷⴷⵉⴷ ⴱⴰⴱ ⵏ ⵡⴰⴷⴷⵓⵔ ⵎⴰⵙ ⴷ ⵜⴰⵖⵜⵙⵜ ⴰⴷ ⵜⴳⴰ ⵜⴰⵎⵏⵏⴰⵢⵜ ⵎⵉⵏⵣⵉ ⵜⵎⵙⴰⵙⴰ ⴷ ⵜⴷⵉⵏⴰⵎⵉⵢⵜ ⵏⵏⴰⴹⴼⵔⵏⵜ ⵜⵓⴳⵜⵜ ⵏ ⵜⵎⵉⵣⴰⵔ ⴳ ⵜⵓⴳⵜⵜ ⵏ ⵜⵙⴳⵉⵡⵉⵏ ⵏ ⵓⵎⴰⴹⴰⵍ ⴳ ⵓⵎⵏⵉⴷ ⵏ ⵡⴰⵏⵏⴰⵍ ⵏ ⵓⴼⵙⵙⴰⵢ ⴰⵙⵔⵜⴰⵏ ⵏⵏⴰ ⵔⴰⴷ ⵉⴱⴱⵉ ⴰⵎⵓⴽⵔⵉⵙ ⴰⴷ ⴰⵏⵎⵏⴰⴹ ⵏⵏⴰ ⴱⴰⵀⵔⴰ ⵉⵎⴰⵟⵍⵏ, ⵙ ⵜⵓⴼⴽⴰ ⵏ ⵓⵏⴱⴰⴹ ⴰⵏⵉⵎⴰⵏ ⵉ ⵜⴳⵍⴷⵉⵜ ⵏ ⵍⵎⵖⵔⵉⴱ ⴳ ⵓⵙⴰⵜⵉ ⵏ ⵜⵏⵙⵙⵉⵅⴼⵜ ⵏ ⵜⴳⵍⴷⵉⵜ ⴷ ⵓⵎⵓⵏ ⵏ ⵡⴰⴽⴰⵍ ⵏⵏⵙ.
ⵉⵙⵙⴽⵯⵜⵉ ⴷ ⴱⴰⴱ ⵏ ⵡⴰⴷⴷⵓⵔ ⴳ ⵜⴱⵔⴰⵜ ⴰⴷ ⵎⴰⵙ ⴷ ⵙⴳ ⴷⵓⵊⴰⵏⴱⵉⵔ 2020 ⴰⴷ ⵜⵙⵙⵏⵜⵉ ⵜⵣⴷⴰⵢⵜ ⵊⴰⵔ ⵍⵎⵖⵔⵉⴱ ⴷ ⵓⵡⴰⵏⴽ ⵏ ⵉⵙⵔⴰⵉⵍ ⴰⴷ ⵜⵎⵙⴰⵙⴰ ⴳ ⵜⵓⴳⵜⵜ ⵏ ⵉⴳⵔⴰⵏ.
ⵎⴽ ⵍⵍⵉ ⵙ ⵉⵏⵏⴰ ⵎⴰⵙ ⴷ ⴳ ⵡⴰⵎⵎⴰⵙ ⵏ ⵎⴰⵢⴰⴷ ⵏⵏⴰ ⵉⵍⵍⴰⵏ ⵊⴰⵔ ⵜⵉⵎⵉⵣⴰⵔ ⴳ ⵓⵙⴰⵜⵉ ⵏ ⵓⵙⴼⵍ ⵏ ⵜⵔⵣⵣⴰⴼ ⵏ ⵉⵙⵍⵡⴰⵢⵏ ⵓⵏⵚⵉⴱⵏ ⴷ ⵉⵏⵎⵖⵓⵔⵏ, ⵏⵉⵖ ⴰⵡⴷ ⴳ ⵓⴱⵓⵖⵍⵓ ⵏ ⵓⵙⴰⵜⵉ ⴰⵎⵙⴰⵙⴰⵏ ⴷ ⵓⵎⵢⴰⵏⴰⵡ ⴷ ⵓⵙⴷⵓⵙ ⵏ ⵉⵙⵏⴼⴰⵍ ⵉⵙⴱⴱⴰⴱⵏ, ⴰⵡⴷ ⵜⵉⵣⴷⴰⵢⵉⵏ ⵜⵉⵏⴼⴳⴰⵏⵉⵏ ⵏⵏⴰ ⵉⵍⵍⴰⵏ ⵊⴰⵔ ⵜⵉⵎⵉⵣⴰⵔ ⴰⴷ ⵙⵏⴰⵜ ⵉⴳⴰ ⵜⴰⵎⵏⵜⵉⵍⵜ ⵏⵏⴰ ⵢⵉⵡⵙⵏ ⴳ ⵎⴰⵢⴰⴷ, ⵙⵍⴰⵡⴰⵏ ⴰⴽⴽⵯ ⵉⵖⵔⵔⴰⴱⵉⵢⵏ ⵓⴷⴰⵢⵏ ⵏ ⵍⵎⵖⵔⵉⴱ ⴳ ⵉⵙⵔⴰⵉⵍ.
ⵉⵏⵏⴰ ⴱⴰⴱ ⵏ ⵡⴰⴷⴷⵓⵔ ⴰⵡⴷ ⵎⴰⵙ ⴷ ⴰⴷⴷⴰⴷ ⴰⴷ ⵉⴼⴰⵡⵏ ⵏⵏⴰ ⵜⵙⴽⵔⵎ ⵙ ⵡⴰⵙⵙⴰⵖ ⵏ ⵓⵡⴰⵏⴽ ⵙ ⵎⴰⴷ ⵉⵥⵍⵉⵏ ⵙ ⵜⵏⵣⵔⵓⴼⵜ ⵏ ⵍⵎⵖⵔⵉⴱ, ⵔⴰⴷ ⵉⵣⴰⵢⴷ ⴳ ⵓⵙⴷⵓⵙ ⵏ ⵜⵣⴷⴰⵢⵉⵏ ⵊⴰⵔ ⵍⵎⵖⵔⵉⴱ ⴷ ⵉⵙⵔⴰⵉⵍ.
ⴹⴼⵉⵔ ⵏ ⵎⴰⵢⴰⴷ ⵉⵏⵏⴰ ⴰⵡⴷ “ ⵎⴽ ⵍⵍⵉ ⵙ ⴰⵡⵏ ⵙⴷⴷⵉⴷⵖ ⴳ ⵓⵎⵙⴰⵡⴰⵍ ⵏ ⵓⵜⵉⵍⵉⴼⵓⵏⴳ 25 ⴷⵓⵊⴰⵏⴱⵉⵔ 2020, ⴰⵔ ⵙⵉⵡⵏ ⵙⵏⴱⵉⵢⵖ ⴰⴷ ⵜⴰⵛⵀⴽⵉⵎ ⴰⴷ ⵜⵥⵔⵉⵎ ⵍⵎⵖⵔⵉⴱ ⴳ ⵎⴰⴷ ⵏⵏ ⵓⵔ ⵢⴰⴳⴳⵓⴳⵏ.
ⴳ ⵓⵙⴰⵜⵉ ⴰⴷ ⵉⵙⴷⴷⵉⴷ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ !ⵎⵓⵃⵎⵎⴰⴷ ⵡⵉⵙⵙ ⵚⴹⵉⵚ ⴳ ⵎⴰⴷ ⵉⵥⵍⵉⵏ ⵙ ⵓⵏⵎⵓⵇⵇⴰⵔ ⴰⴷ ⵎⴰⵙ ⵔⴰⴷ ⵕⵥⵎⵏⵜ ⵜⵎⴰⵎⴽⵉⵏ ⵜⵉⵎⴰⵢⵏⵓⵜⵉⵏ ⵏ ⵜⵣⴷⴰⵢⵉⵏ ⵊⴰⵔ ⵍⵎⵖⵔⵉⴱ ⴷ ⵉⵣⵔⴰⵉⵍ, ⵎⴽ ⵍⵍⵉ ⵙ ⵔⴰⴷ ⵜⴳ ⵢⴰⵜ ⵜⵎⵍⴷⴰ ⵏ ⵓⵙⴷⵓⵙ ⵏ ⵉⵎⴰⵍ ⵏ ⵓⴼⵔⴰ ⵏ ⵉⴳⴷⵓⴷⵏ ⴰⴽⴽⵯ, ⵙ ⵜⵉⵍⵉⵜ ⵏ ⵓⵏⴰⵎⴽ ⵏ ⵓⵙⵉⵡⴹ ⵏⵏⴰ ⵉⵜⵜⴰⵡⵙⴳⵎⴰⴹⵏ ⴳ 22 ⴷⵓⵊⴰⵏⴱⵉⵔ 2020 ⵊⴰⵔ ⵍⵎⵖⵔⵉⴱ ⴷ ⵍⵡⵉⵍⴰⵢⴰⵜ ⵍⵎⵓⵜⵜⴰⵃⵉⴷⴰ ⵍⴰⵎⵔⵉⴽⵉⵢⴰ ⴷ ⵓⵡⴰⵏⴽ ⵏ ⵉⵙⵔⴰⵉⵍ, ⵙ ⵎⴰⴷ ⵉⵣⴷⵉⵏ ⴷ ⵜⵉⵏⴷⵉⵜⵉⵏ ⵏ ⵓⵙⵡⴰⵍⴰ ⵏⵏⴰ ⵙ ⴷ ⵉⵇⵇⴰⵏⴷ ⴰⴷ ⴳⵉⵏⵜ ⵜⵎⵎⵉ ⵉ ⵓⵎⵓⴽⵔⵉⵙ ⴰⴷ ⵏ ⵉⵙⵔⴰⵉⵍ ⴷ ⴼⵉⵍⵉⵙⵜⵉⵏ.
Bab n waddur : taɣtast n israil s ussɣzn n tnssixft n tgldit tamɣribiyt g tnzruft nns d uswingm umnig g unnuṛẓm n tqunṣuliyt g tmdint n ddaxla » amddad d wannay
Yuzn bab n waddur agllid muḥmmad wiss ṣḍiṣ ad t inṣṛ ṛbbi tabradt i mass binyamin natanyahu , amawsas amzwaru n uwank n israil nna g isddid ugllid mas d taɣtst n uwank n israil s ussɣzn n tnssixft n tgldit n lmɣrib g tnzruft nns d d uswingm umnig g unnyṛẓm n tqunsuliyt g tmdint n ddaxla iga “ amddad d wannay ».
Inna bab n waddur agllid muḥmmad wiss ṣḍis g tbradt ad, “ mass amawsas amzwaru, iga iyi addur ad kn snimmrɣ xf tbrat nnun nna iyi d yiwdn s tɣtst n uwank n israil s ussɣzn n tnssixft n tgldit n lmɣrib g tnzruft nns, d uswingm umnig g unnuṛẓm n tqunṣuliyt n tmazirt nnun g tmdint n ddaxla; isddid bab n waddur mas dd taɣtst ad isnbg bahra si ugdud ammɣribi .
Isddid bab n waddur mas d tamntilt n tnzruft tamɣribiyt tag “ tamntilt tanamurt n tgldit” d tga tamzwurt lgal n tsrtit n bṛṛa, inna awd mas d taɣtst nnun tga tamddadt.
Mk lli s inna bab n waddur g tbrat nns mas d taɣtst ad tga tamddadt minzi tga annal n iḍṛisn islgan d izrfan imzruyn n lmɣrib g tmnaḍin nns n tnzruft, mk lli s inna mas d tanssixft tamddadt n tgldit n lmɣrib d imzdayn islgan nna ikkan tasutin sg uzmz n igldan lli izrin g lmɣrib d imzdaɣn n lmɣrib g wakal ad nna bahra ttirin gan ifṛḍisn nna g ur tlli tutrda.
Mk lli s isddid bab n waddur mas d taɣtst ad tga tamnnayt minzi tmsasa d tdinamiyt nnaḍfrnt tugtt n tmizar g tugtt n tsgiwin n umaḍal g umnid n wannal n ufssay asrtan nna rad ibbi amukris ad anmnaḍ nna bahra imaṭln, s tufka n unbaḍ animan i tgldit n lmɣrib g usati n tnssixft n tgldit d umun n wakal nns.
Isskʷti d bab n waddur g tbrat ad mas d sg dujanbir 2020 ad tssnti tzdayt jar lmɣrib d uwank n israil ad tmsasa g tugtt n igran.
Mk lli s inna mas d g wammas n mayad nna illan jar timizar g usati n usfl n trzzaf n islwayn unṣibn d inmɣurn, niɣ awd g ubuɣlu n usati amsasan d umyanaw d usdus n isnfal isbbabn, awd tizdayin tinfganin nna illan jar timizar ad snat iga tamntilt nna yiwsn g mayad, slawan akkʷ iɣrrabiyn udayn n lmɣrib g israil.
Inna bab n waddur awd mas d addad ad ifawn nna tskrm s wassaɣ n uwank s mad iẓlin s tnzruft n lmɣrib, rad izayd g usdus n tzdayin jar lmɣrib d israil.
ḍfir n mayad inna awd “ mk lli s awn sddidɣ g umsawal n utilifung 25 dujanbir 2020, ar siwn snbiyɣ ad tachkim ad tẓrim lmɣrib g mad nn ur yaggugn.
G usati ad isddid bab n waddur agllid !muḥmmad wiss ṣḍiṣ g mad iẓlin s unmuqqar ad mas rad ṛẓmnt tmamkin timaynutin n tzdayin jar lmɣrib d izrail, mk lli s rad tg yat tmlda n usdus n imal n ufra n igdudn akkʷ, s tilit n unamk n usiwḍ nna ittawsgmaḍn g 22 dujanbir 2020 jar lmɣrib d lwilayat lmuttaḥida lamrikiya d uwank n israil, s mad izdin d tinditin n uswala nna s d iqqand ad gint tmmi i umukris ad n israil d filistin.
Sa Majesté le Roi : La décision d’Israël de reconnaître la souveraineté du Royaume sur son Sahara et de considérer favorablement l’ouverture d’un Consulat à Dakhla est, “à la fois, juste et clairvoyante”
