ⴰⵙⵉⵏⴰⴳ ⴰⴳⵍⴷⴰⵏ ⵏ ⵜⵓⵙⵙⵏⴰ ⵜⴰⵎⴰⵣⵉⵖⵜ ⵉⵙⴼⵓⴳⵍⴰ ⵙ ⵡⴰⵙⵙ ⴰⵎⴰⴹⵍⴰⵏ ⵓⵙⵍⵎⴰⴷ
ⵉⵙⴼⵓⴳⵍⴰ ⵓⵙⵉⵏⴰⴳ ⴰⴳⵍⴷⴰⵏ ⵏ ⵜⵓⵙⵙⵏⴰ ⵜⴰⵎⴰⵣⵉⵖⵜ ⵙ ⵡⴰⵙⵙ ⴰⵎⴰⴹⵍⴰⵏ ⵏ ⵓⵙⵍⵎⴰⴷ ⴰⵙⵙ ⴰⴷ ⴰⴽⵕⴰⵚ ⴳ ⵕⵕⴱⴰⵟ , ⴳ ⴷⴷⵓ ⵜⵎⴰⵜⴰⵔⵜ » ⴰⴽⴷ ⵜⵙⵍⵎⴰⴷⵉⵏ ⴷ ⵉⵙⵍⵎⴰⴷⵏ ⴰⵔ ⵉⵙⵙⵏⵜⴰⵢ ⵓⵙⵏⴼⵍ ⴳ ⵓⵙⴳⵎⵉ ».
ⴳ ⵢⴰⵏ ⵓⵎⵙⴰⵡⴰⵍ ⴷ ⵜⵏⵖⵎⴰⵙⵜ, ⵉⵏⵏⴰ ⵓⵏⴱⴷⴰⴷ ⵏ ⵓⵙⵉⵏⴰⴳ ⴰⴳⵍⴷⴰⵏ ⵏ ⵜⵓⵙⵙⵏⴰ ⵜⴰⵎⴰⵣⵉⵖⵜ ⵎⴰⵙⵙ ⴰⵃⵎⴰⴷ ⴱⵓⴽⵓⵙ ⵎⴰⵙ ⵉⴳⴰ ⵓⵙⵉⵏⴰⴳ ⵢⴰⵜ ⵜⵔⵙⵍⵜ ⵉⴷⵓⵙⵏ ⴳ ⵢⵉⴳⵔ ⵏ ⵓⵙⵙⵍⵎⴷ ⵏ ⵜⵓⵜⵍⴰⵢⵜ ⵜⴰⵎⴰⵣⵉⵖⵜ, ⴷ ⵜⵏⴽⵔⴰ ⵏⵏⵙ ⴷ ⵓⵙⵙⵉⵔⵉⵡ ⵏ ⵜⵉⵍⵉⵜ ⵏⵏⵙ ⴳ ⵉⵖⴰⵡⴰⵙⵏ ⵉⵙⴳⵎⴰⵏⵏ ⵉⵏⴰⵎⵓⵔⵏ, ⵎⵉⵏⵣⵉ ⵜⴳⴰ ⵢⴰⵜ ⴳ ⵉⴼⵔⴷⵉⵙⵏ ⵏ ⵜⵎⴰⴳⵉⵜ ⵏ ⵍⵎⵖⵔⵉⴱ.
ⵉⵙⴱⴰⵢⵏ ⵎⴰⵙⵙ ⴱⵓⴽⵓⵙ ⵜⵉⵏⴷⵉ ⴷ ⵡⴰⴷⴷⴰⴷ ⵍⵍⵉⴳ ⵍⵍⴰⵏ ⵉⵙⵍⵎⴰⴷⵏ ⴷ ⵜⵙⵍⵎⴰⴷⵉⵏ, ⵙⵍⴰⵡⴰⵏ ⴰⴽⴽⵯ ⵎⴰⴷ ⵉⵥⵍⵉⵏ ⵙ ⵜⵓⵜⵍⴰⵢⵜ ⵜⴰⵎⴰⵣⵉⵖⵜ, ⴳ ⵓⵙⵔⵚⵓ ⵏ ⵓⵙⵉⴷⴼ ⵏ ⵜⵓⵜⵍⴰⵢⵜ ⵜⴰⵎⵣⵉⵖⵜ ⵢⵉⴳⵔ ⴰⵙⴳⵎⴰⵏ, ⵉⵙⵙⴽⵜⵉⴷ ⵙ ⵜⵎⵓⴽⵔⵉⵙⵉⵏ ⵍⵍⵉⴳ ⵙⵡⵓⵔⵉⵏ ⵙⵍⴰⵡⴰⵏ ⴰⴽⴽⵯ ⵉⵙⵓⵏⵏ ⴷ ⵉⴷⵔⴰⵔⵏ.
ⴳ ⵜⵙⴳⴰ ⵢⴰⴹⵏⵉⵏ ⵉⵙⴷⴷⵉⴷ ⵓⵏⵎⵀⴰⵍ ⵏ ⵡⴰⵎⵎⴰⵙ ⵏ ⴰⵙⵏⵓⴱⴱⵛ ⴰⴷⵉⴷⴰⴽⵜⵉⴽⵉ ⴷ ⵉⵖⴰⵡⴰⵙⵏ ⵉⴱⵉⴷⴰⴳⵓⵊⵉⵢⵏ ⵏ ⵓⵙⵉⵏⴰⴳ, ⵎⴰⵙⵙ ⵄⴱⴷⵙⵍⴰⵎ ⵅⵍⴼⵉ ⴳ ⵢⴰⵜ ⵜⴳⵓⵔⵉ ⴳ ⵓⵏⵎⵓⵇⵇⴰⵔ ⴰⴷ, ⵅⴼ ⵜⵡⵓⵔⵉ ⵜⴰⴷⵙⵍⴰⵏⵜ ⵏⵏⴰ ⵙⴽⴰⵔⵏ ⵉⵎⵙⴽⴰⵔⵏ ⵉⵙⴳⵎⴰⵏⵏ ⵙ ⵓⵎⴰⵜⴰ, ⴷ ⵉⵙⵍⵎⴰⴷⵏ ⵏ ⵜⵓⵜⵍⴰⵢⵜ ⵜⴰⵎⵣⵉⵖⵜ ⴳ ⵓⵙⴱⵓⵖⵍⵓ ⵏ ⵜⴱⵉⴷⴰⴳⵓⵊⵉⵢⵜ ⵏ ⵓⵙⵙⵍⵎⴷ ⵏⵏⵙ, ⵉⵏⵏⴰ ⵎⴰⵙ ⴷ ⵢⵉⵡⵙ ⵓⵙⵉⵏⴰⴳ ⴳ ⵜⵙⴳⴰ ⴰⴷ, ⵙ ⵓⵎⵢⴰⵡⴰⵙ ⴰⴽⴷ ⵜⵎⴰⵡⴰⵙⵜ ⵏ ⵓⵙⴳⵎⵉ ⵜⴰⵏⴰⵎⵓⵔⵜ ⴳ ⵓⵙⵎⵓⵜⵜⴳ ⵏ ⵉⴼⴹⵏⵏ ⵏ ⵉⵙⵍⵎⴰⴷⵏ ⵉⵎⵙⵙⴰⵏⵓⵏ ⴷ ⵉⵎⵙⴽⴰⵔⵏ ⵉⵙⴳⵎⴰⵏⵏ , ⴷ ⵓⵜⵜⵓⵢ ⵏ ⵉⵎⵣⵔⴰⵡⵏ ⵏ ⵜⵣⵓⵏⵉⵡⵉⵏ ⵏ ⵜⵖⵓⵔⵉⵡⵉⵏ ⵏ ⵜⵎⴰⵣⵉⵖⵜ.
ⵉⵏⵏⴰ ⵓⵏⵎⵀⴰⵍⴰⵡⴷ ⵎⴰⵙ ⴷ ⴰⵙⵉⵏⴰⴳ ⵙ ⵓⵙⴱⵖⵙ ⵏⵏⵙ ⵉ ⵜⵎⵙⴽⴰⵔⵉⵏ ⴼⵓⵍⴽⵉⵏⵉⵏ ⴳ ⵉⴳⵔⴰⵏ ⵏ ⵓⵙⵍⵎⴷ ⴷ ⵓⵜⵜⵓⵢ ⴷ ⵓⵔⵣⵣⵓ, ⵉⵙⵡⵓⵔⵉ ⵅⴼ ⵓⵙⴱⵖⵙ ⵏ ⵉⵎⵙⴽⴰⵔⵏ ⵉⵙⴳⵎⴰⵏⵏ, ⵙⴳ ⵓⵙⴳⴳⵯⴰⵙ ⵏ 2004, ⵙⵍⴰⵡⴰⵏⵏ ⴰⴽⴽ ⴳ ⵓⵙⴰⵜⵉ ⵏ ⵜⴷⵎⵖⵓⵔⵜ ⵜⴰⵏⴰⵎⵓⵔⵜ ⵏ ⵜⴷⵍⵙⴰ ⵜⴰⵎⴰⵣⵉⵖⵜ ⵏⵖ ⵙ ⵜⵎⵍⴷⴰ ⵏ ⵓⵙⴼⵓⴳⵍⵓ ⵙ ⵡⴰⵙⵙ ⴰⵎⴰⴹⵍⴰⵏ ⵏ ⵓⵙⵍⵎⴰⴷ.
ⵙ ⵎⴰⴷ ⵉⵥⵍⵉⵏ ⵙ ⵜⵙⵎⵖⵓⵔⵜ ⵜⴰⵏⴰⵎⵓⵔⵜ ⵏ ⵜⴷⵍⵙⴰ ⵜⴰⵎⴰⵣⵉⵖⵜ, ⵉⴱⴷⵔ ⵎⴰⵙⵙ ⵅⴰⵍⴰⴼⵉ ⵎⴰⵙ ⵉⵜⵜⵓⵙⴽⴰⵔ ⵜⵓⴳⵜⵜ ⵏ ⵜⵙⵎⵖⵓⵔⵉⵏ ⵉ ⵉⵎⵙⴽⴰⵔⵏ ⴰⵎ (ⵉⵙⵍⵎⴰⴷⵏ, ⵉⵎⴳⴳⵉⵡⵙⵏ, ⵉⵎⵙⵙⴰⵏⵓⵏⵏ ⴷ ⵉⵙⵍⵎⴰⴷⵏ ⵏ ⵜⵙⴷⴰⵡⵉⵜ ⴷ ⵉⵎⵙⵏⴼⵍⵓⵍⵏ…), ⴷ ⵓⵙⵎⵖⵓⵔ ⵉ ⵡⵉⵢⵢⴰⴹ ( ⵉⵙⵍⵎⴰⴷⵏ ⴷ ⵉⵎⴳⴳⵉⵡⵙⵏ ⴷ ⵉⵎⵙⵙⴰⵏⵓⵏⵏ ⴷ ⵉⵙⵍⵎⴰⴷⵏ ⵏ ⵜⵙⴷⴰⵡⵉⵜ ⴷ ⵉⵎⵣⴷⴰⵢⵏ ⴳ ⵜⵎⴰⵡⴰⵙⵜ ⴷ ⵜⵉⵔⴰⵜⵙⵉⵡⵉⵏ ⵜⵉⵙⴳⴰⵡⴰⵏⵉⵏ ⵉ ⵓⵙⵍⵎⴷ ⵏ ⵜⵓⵜⵍⴰⵢⵜ ⵜⴰⵎⴰⵣⵉⵖⵜ), ⵙ ⵜⵎⵍⴷⴰ ⵏ ⵡⴰⵙⵙ ⴰⵎⴰⴹⵍⴰⵏ ⵏ ⵓⵙⵍⵎⴰⴷ.
ⴳ ⵜⵙⴳⴰ ⵢⴰⴹⵏⵉⵏ, ⵉⵏⵏⴰ ⵓⵎⴳⴳⵉⵡⵙ ⴰⵎⴰⵜⵜⵓ ⵏ ⵉⵙⴽⴽⵉⵏⵏ ⵉⵙⴳⵎⴰⵏⵏ, ⴷ ⵓⵏⵎⵀⴰⵍ ⵏ ⵜⵎⵀⵍⴰ ⵏ ⵉⵖⴰⵡⴰⵙⵏ ⴳ ⵜⵎⴰⵡⴰⵙⵜ ⵏ ⵓⵙⴳⵎⵉ ⴰⵏⴰⵎⵓⵔ ⴷ ⵓⵙⵍⵎⴷ ⴰⵎⵣⵡⴰⵔⵓ ⴷ ⵜⵓⵏⵏⵓⵏⵜ, ⵎⴰⵙⵙ ⴼⵓⴰⴷ ⵛⴰⴼⵉⵇⵇⵉ, ⴳ ⵜⴰⴽⵛⵛⵓⵎⵜ ⵏⵏⵙ, ⵎⴰⵙ ⵔⴰⴷ ⵉⵙⵎⴷ ⵉⵖⴰⵡⴰⵙⵏ ⵏ ⵓⵙⵍⵎⴷ ⴰⵎⵏⵣⵓ, ⴷ ⵔⴰⴷ ⵉⵍⵉⵏ ⵉⴷⵍⵉⵙⵏ ⵏ ⵓⵙⵡⵉⵔ ⵡⵉⵙⵙ ⵙⵎⵎⵓⵙ ⴷ ⵡⵉⵙⵙ ⵚⴹⵉⵚ, ⴷ ⵉⵏⵏⴰ ⵎⴰⵙ ⵣⴰⵢⴷⵏ ⵉⵙⵍⵎⴰⴷⵏ ⵙⴳ 200 ⴰⵔ 400.
ⵉⴳⴰ ⵡⴰⵙⵙ ⴰⴷ ⵍⵍⵉ ⵉⵜⵜⵉⵍⵉⵏ ⴷ 5 ⴽⵟⵓⴱⵔ ⴳ ⴽⵔⴰ ⵉⴳⴰⵜ ⴰⵙⴳⴳⵯⴰⵙ ⴷ ⵡⴰⵍⵍⵉ ⵉⵙⵏⵎⴰⵍⴰ ⵡⴰⵎⵎⴰⵙ ⵏ ⵓⵙⵏⵓⴱⴱⵛ ⴰⴷⵉⴷⴰⴽⵜⵉⴽⵉ ⴷ ⵉⵖⴰⵡⴰⵙⵏ ⵉⴱⵉⴷⴰⴳⵓⵊⵉⵢⵏ ⵏ ⵓⵙⵉⵏⴰⴳ, ⵜⴰⴼⵓⴳⵍⴰ ⵙ ⵜⵓⴳⵜⵜ ⵏⵙ ⵉⵙⵓⵜⴰⵢ ⵉⵙⴳⵎⴰⵏⵏ , ⵙ ⵎⴰⴷ ⴼⴽⴰⵏ ⴳ ⵢⵉⴳⵔ ⴰⴷ ⵏ ⵓⵙⵙⵍⵎⴷ, ⴷ ⵓⵙⵙⵖⵣⵏ ⵙ ⵜⵣⵎⵎⴰⵔ ⵏⵏⴰ ⵙⴽⴰⵔⵏ ⴳ ⵢⵉⴳⵔ ⵏ ⵓⵙⵏⴼⵍⵓⵍ ⵙ ⵉⵙⵓⴳⴰⵎ ⵉⵎⵓⵟⵟⵓⵏ ⴷ ⵓⵙⵔⵚⵓ ⴷ ⵓⵙⴱⵓⵖⵍⵓ ⵏ ⵓⵙⵙⵍⵎⴷ ⵏ ⵜⵓⵜⵍⴰⵢⵜ ⴷ ⵜⵓⵙⵙⵏⴰ ⵜⴰⵎⴰⵣⵉⵖⵜ ⴳ ⵜⴼⵔⴽⵜ ⵏ ⵓⵙⵙⵍⵎⴷ ⴰⵎⵏⵣⵓ.
Asinag agldan n tussna tamaziɣt isfugla s wass amaḍlan uslmad
Isfugla usinag agldan n tussna tamaziɣt s wass amaḍlan n uslmad ass ad akṛaṣ g ṛṛbaṭ , g ddu tmatart » akd tslmadin d islmadn ar issntay usnfl g usgmi ».
G yan umsawal d tnɣmast, inna unbdad n usinag agldan n tussna tamaziɣt mass aḥmad bukus mas iga usinag yat trslt idusn g yigr n usslmd n tutlayt tamaziɣt, d tnkra nns d ussiriw n tilit nns g iɣawasn isgmann inamurn, minzi tga yat g ifrdisn n tmagit n lmɣrib.
Isbayn mass bukus tindi d waddad llig llan islmadn d tslmadin, slawan akkʷ mad iẓlin s tutlayt tamaziɣt, g usrṣu n usidf n tutlayt tamziɣt yigr asgman, issktid s tmukrisin llig swurin slawan akkʷ isunn d idrarn.
G tsga yaḍnin isddid unmhal n wammas n asnubbc adidaktiki d iɣawasn ibidagujiyn n usinag, mass ɛbdslam xlfi g yat tguri g unmuqqar ad, xf twuri tadslant nna skarn imskarn isgmann s umata, d islmadn n tutlayt tamziɣt g usbuɣlu n tbidagujiyt n usslmd nns, inna mas d yiws usinag g tsga ad, s umyawas akd tmawast n usgmi tanamurt g usmuttg n ifḍnn n islmadn imssanun d imskarn isgmann , d uttuy n imzrawn n tzuniwin n tɣuriwin n tmaziɣt.
Inna unmhalawd mas d asinag s usbɣs nns i tmskarin fulkinin g igran n uslmd d uttuy d urzzu, iswuri xf usbɣs n imskarn isgmann, sg usggʷas n 2004, slawann akk g usati n tdmɣurt tanamurt n tdlsa tamaziɣt nɣ s tmlda n usfuglu s wass amaḍlan n uslmad.
S mad iẓlin s tsmɣurt tanamurt n tdlsa tamaziɣt, ibdr mass xalafi mas ittuskar tugtt n tsmɣurin i imskarn am (islmadn, imggiwsn, imssanunn d islmadn n tsdawit d imsnfluln…), d usmɣur i wiyyaḍ ( islmadn d imggiwsn d imssanunn d islmadn n tsdawit d imzdayn g tmawast d tiratsiwin tisgawanin i uslmd n tutlayt tamaziɣt), s tmlda n wass amaḍlan n uslmad.
G tsga yaḍnin, inna umggiws amattu n iskkinn isgmann, d unmhal n tmhla n iɣawasn g tmawast n usgmi anamur d uslmd amzwaru d tunnunt, mass fuad cafiqqi, g takccumt nns, mas rad ismd iɣawasn n uslmd amnzu, d rad ilin idlisn n uswir wiss smmus d wiss ṣḍiṣ, d inna mas zaydn islmadn sg 200 ar 400.
Iga wass ad lli ittilin d 5 kṭubr g kra igat asggʷas d walli isnmala wammas n usnubbc adidaktiki d iɣawasn ibidagujiyn n usinag, tafugla s tugtt ns isutay isgmann , s mad fkan g yigr ad n usslmd, d ussɣzn s tzmmar nna skarn g yigr n usnflul s isugam imuṭṭun d usrṣu d usbuɣlu n usslmd n tutlayt d tussna tamaziɣt g tfrkt n usslmd amnzu.
